胸 34吋 (可放至38吋)
腰 24吋 (可放至28吋)
最近情緒大上大落，好彩有伴侶、家人、朋友、舊同事撐一撐，咪之唔知鬧情緒鬧到幾時。
上星期六安排自己去做facial，星期日安排自己去做spa，期間包括荃灣拜山、深水埗裝香比祖先（行到爺爺的碑前，心中跟他說了幾句，很想哭但忍住）、同老爺奶奶飲茶、同屋企人食飯、上興趣班等等，過了一個愉快的週末。
星期日去完利苑飲茶，就一個人到將軍澳做spa，因為團購的關係，聲稱平咗一大截，九十分鐘，六百八十蚊。
*我.....竟然早左半小時到，但沒有什麼設施提供，只是叫你坐在招款處旁，喝花茶同睇雜誌。
*終於到3:15，走出室外。嘩，原來係堅的，上網睇相仲以為係key圖，好舒服。
*我的房間，有日光透進來，同埋做spa時，真係聽到鳥兒的叫聲。(我曾經懷疑是房內音樂，後來證實是百分百的烏兒叫呢。)
*有在bali和華欣室外做spa的感覺，久違了，實在太舒服，半途我已睡著，有些位置按下去，感到輕痛就醒了一醒，很快又再入睡。
*做完之後，好爽，好精神的一種。
我（超平淡MODE）：咪又係咁。
其實，有咩唔同呢？
新婚兩個月，最唔同應該係好多野都要諗埋對方，你攰到唔想落妝去訓都好，但老公收晏，你點都要撐住去煮個麵啩？
新婚兩個月既我地，仍然一放工或者一放假就會趕回家，黏在一起。
不停在想，如何可以做一個好人妻。
上月尾，老公生日，我跑完渣打十公里後，回家落手整左一個古古力脆脆蛋糕同埋蒸肉餅、白汁西蘭花、煲湯，試吓再煮飯。
開心既，但我覺得從經濟成本方面考慮，並不划算。因為落街食，真係方便同平好多。
間唔中，煮吓啦～～～
老公耐唔耐就會同我講聲「多謝」。是打從心底，深思後而發出的，而我亦好感動搵到個好老公，佢真係好鍚同縱壞咗我。
又，我覺得上天唔會比你如此好運和幸福，我好驚有一日佢會拎走返我的運和福。
於是，我會成日問老公：喂！你估我地可以好幾耐丫嗱？你估我地幾時離婚？（想點呢我？）
喺我出嫁前三個月，我當了一次伴娘。做伴娘後，我先知結婚、籌備是什麼一回事，幫朋友搵mc、搵律師、聯絡姐妹等等，最重要是大日子當日點樣幫手控制大局，實在是很開心和幸福。見到朋友甜蜜出嫁，什麼都是值得的。我好記得我陪到佢散席後返酒店房，我地開心地攬埋同kiss，真的很感動。我亦好開心，聽到佢講一句：「好彩有你依個好伴娘。」
初初，我都好驚自己唔稱職，所以上網睇左好多有關做伴娘、做姐妹既注意事項......
做過伴娘，當然知道姐妹們最關心的是什麼，其實真的真的....離不開條裙同個妝。
所以，到我自己的婚禮，我一定要班姐妹唔洗為條裙煩。
上一次做伴娘，朋友選了她熟人所開的姐妹裙店。
裙是租借的，由度身到final fit 都好好態度，但婚前一日我地去拎裙，發現裙上有很多污穢，所有呎吋都不合，而我那條仲誇張，裙長短了四吋。於是成班姐妹都要仆出油麻地final fit，有事在身的姐妹未能再試身，條裙最後窄到拉唔到錬，成日要著全件外套。
有此經驗，我希望盡全力搵一間唔洗煩的店舖。
同埋，我會訂造而不租借，因為我想大家有個小小紀念品，加上還裙都會增加成本。
最後，我地選擇了尖沙咀百利的Bridal Dreams，記得個日一大班姐妹入到去，好快手就選了款式，之後一個跟一個度身，而Pauline、kim等人都好幫手，仲玩到勁嘈勁開心，其實籌備婚禮都係想開開心心，遇到員工黑面or臭串，我一定即走。
(我的姐妹當中，又有一個會再搵Pauline做姐妹裙，但收平勁多，係勁多囉，哈哈。我妒忌呀 ! Pauline& kim )
最值得讚是所有姐妹條裙都唔洗再改，好岩身。
而我阿妹條晚裝裙（訂造）同媽咪、奶奶衫（租借）都係依度搞店，價錢和款式都ok。
總結:
1.唔洗煩，個個都好岩身。
2.Pauline& kim 等人笑臉迎人，易話為。
3.facebook check 到貨日子。
4.店內和卡片上有金句。（我本身是基督徒，所以我覺得好舒服）
