2013年6月29日 星期六

田心村尋醫之路 (一)

剛剛的星期二是突如其來的假期,是補假來的,不是病假,我好勤力架,哈哈。
誰不知阿月都黎探我,但我竟然唔痛,只係有唔舒服,好感恩。轉現任工作前,阿月一黎探我,我就痛到暈,狂漂冷汗、變白瞼、肚痛至少兩日,為了身體健康,我幾唔捨得都好,都決定了在婚前轉工。轉工後的頭一、兩個月都仲係痛到暈,勉強反到工,都要係廁所至少坐半日,本以為自己行錯路,轉左工都痛,哂氣!但近半年(touchwood先~)真係只有「唔舒服」,我完全頂到、行得到,點解我要正視M痛?我想生BB囉~~~(隨緣,希望兩年後)


如果你都係M痛之人,你就會明白我依半年慢慢唔痛的開心和感恩之情。


放假日,有伴娘比比上屋企探我,仲有下午茶~~
仲陪我做咗半日師奶,去銀行交租、買日用品、格價等等,係咪好開心呢?
你都快D結婚啦。之後又再食好味蛋撻,每人兩件曲奇皮蛋撻,仲有比比沖的奶茶~~正正!!! 


事不宜遲,今日既重點節目係睇。醫。生。






去到田心村,周圍問路。我估村民都被人問慣,哈哈。我問到第三個人,個嬸嬸好好人帶埋我地去門口。第一次睇,排隊填表入會,入會費為一百五十元,另外再比五十元掛號。之後拎左個籌開始等,見到前面的人好似玩音樂椅咁,唔知咩事。又唔知一陣入到房會發生咩事,我開始緊張起來。



好彩好人blogger_____(唔方便開名),覆我洋洋千字,詳細解釋比我聽過程和小貼士,睇完我即刻定左落黎啦,多謝你呀。


入到房,把脈。


醫生:M黎呀?第一日呢?


我:吓~~(把脈把到M黎架咩?定我成身有陣M味?哈哈。)


醫生:比我知道呢?唔洗覺得醜怪架,你都知我出左名勁架啦。


我:係既。。。。。。


醫生:有冇唔舒服?多唔多?


我:冇痛,好過之前好多,之前會。。。。。(BLAH BLAH BLAH)


醫生:我係問你有冇唔舒服呀?


我:冇!冇!


***此時,我的比比就指住我個肚啦。。。。。。*****


醫生:有咩就同我講埋啦,唔好兩個係度指手劃腳。


我:哈哈~我想生BB,但想調理左先,慢慢未遲。


醫生:但你身體好好,你睇咩呢想?


我:下 ! 竟然 !


醫生:但你要介XX,XX,XX,XX啦,因為你條頸有小小漲。


我:好 ! 知道 ! 


醫生:但依D方生女架WO。。。。


我:下 !


醫生:你宜家M緊,未搞到,下次反黎同我講想生仔啦。


我:好快M完架乍~~


醫生:你甘快搞到甘勁~


我:哈哈~我要靚呀~院長~(因為爆瘡ING)


醫生:你飲完D茶就會精神D架啦~(之後就轉同比比講)佢下次反黎就會好靚,好快就會做靚媽咪~~


我:係咪架?承你貴言


醫生:你都知我勁架啦~~出唒名架啦~~


我:梗係知啦~我D朋友睇完你,全部生哂仔啦。。。。。。。。


之後就出去抄藥方啦~~好快睇完。





6碗煲埋2碗,1碗即飲,另1碗翌日蒸翻熱飲



努力戒口中,首先同薯片,壽司講再見先,成功。但戒奶茶真係好難。






去濕為主啦~~



(我同比比都係用回禮TOTE BAG,冇約埋架,HAHA)

煲藥,交比偉大的媽媽同錫我的老公,媽媽煲的好飲D,唔知點解。


我會繼續去睇~




 

實在太多blog友問我有關何樹勛院長的聯絡方法,所以我把藥單上的地址、電話放出來,希望幫到大家。由於這不是一篇推介文章,我只是分享我的一次尋醫之旅,而我也是第一次看他,所以沒有資格去評論他係咪包生仔。只是我親眼看見身邊朋友們都是看完他而成功生仔既生仔,生女既生女。




Update一下先 : 上次食完四劑藥,我覺得舒服,沒有不適,臉上暗瘡也「謝皮」八成,但琴日同朋友食飯,忍唔住食咗幾塊魚生,oh no ! 上星期成個星期飛左去大陸公幹,冇得睇。我會努力抽時間去睇~~~



  • 留言者: Liz ♥ Donald
  • Email: donaldliz1225@yahoo.com.hk
  • 網址:
  • 日期: 2013-07-11 01:45:00
你地d對話好搞笑
我睇到你句"定我成身有陣M味"忽然有想嘔既感覺
戒奶茶對黎講都有d難度 (基本上我係每日一杯架...)
洗唔洗戒辣架???
到我想生仔時都要潮拜下呢位神醫先
[Liz ♥ Donald回覆07/13/2013 01:06:15]我今日又飲完奶茶-_-
介壽司刺身我都重好啲。。。咖哩都得嘅。。。應該
呢個醫師真係好勁!!!
[版主回覆07/12/2013 13:43:56]我家下飲半杯,成功喎。
仲要介壽司 刺身 咖哩

真係有冇可能把脈把到第一日m黎?好神奇。
佢真係幾搞笑,起碼睇兩次都開心甘走。

承你貴言,靚liz liz....
[Liz ♥ Donald回覆07/11/2013 01:51:57]不過我好好彩係咁大個女m痛既次數一隻手數得曬
祝你早日成功呀





  • 留言者: Yoyo
  • Email: yoyo90113@yahoo.com.hk
  • 網址:
  • 日期: 2013-07-09 03:55:07
個醫師講野好搞笑~我都係M黎痛到痴既人,要勁食止痛藥..
等我搵日都去睇下佢先,可以比個中醫祥細d資料我嗎?
[版主回覆07/11/2013 20:36:26]一齊努力,你幾時去馬代? 我對你間酒店有興趣。
宜家好多係beach viila....但我地都係想㻚瑚上
[Yoyo回覆07/11/2013 17:23:04]岩岩開始介凍飲..but唔係全部介囉~慣左買返黎既野飲全部放雪櫃><
[版主回覆07/10/2013 12:31:16]可以呀~~我upload左張相係blog,你打電話去問下啦~~
我都好怕小氣,希望讀完阿月乖乖來訪,唔好再痛。
你有冇介凍飲 ?





  • 留言者: NET
  • Email: janetcch726@yahoo.com.hk
  • 網址:
  • 日期: 2013-07-09 01:06:09
個醫生好搞笑喎!!!
真係咁勁包生??
[版主回覆07/10/2013 12:32:24]netnet,我冇資格去評論~~我初時都覺得邊有咁神奇~~
我希望我有一日可以同你分享更大的喜悅。





  • 留言者: Cathy Tse
  • Email: cathytst@yahoo.com.hk
  • 網址:
  • 日期: 2013-07-08 16:54:37
我呢兩個月都係M回頭,我都想睇中醫調理身體,你可否給我中醫資料,每次睇醫生連藥大約幾錢?
[版主回覆07/11/2013 20:37:00]我今日又睇完啦
[Cathy Tse回覆07/10/2013 13:52:18]好的,我打去問問。謝謝你的資料呀!
[版主回覆07/10/2013 12:55:31]我真係唔知~~
我都係問好人blogger先知佢係大圍有得睇~~
我之前d朋友全部去灣仔太原街搵佢的,你打去問下荃灣有冇何樹勛院長睇啦~~

take great care.
[Cathy Tse回覆07/10/2013 12:37:39]我住新界,所以都方便。
但荃灣那個地址都係呢個醫師?還是一定要去大圍睇?
我都希望快d正常返。
[版主回覆07/10/2013 12:33:56]你快d調理下身子啦~~
我上次睇左300蚊左右~~包4劑茶~~
如果你住港島,我有一個好中醫介紹比你,我係因為住得遠先睇唔到。





  • 留言者: Mr & Mrs Leung
  • Email: pugusanleung@yahoo.com
  • 網址:
  • 日期: 2013-07-08 11:42:22
佢俾你的係咩藥?
[版主回覆07/10/2013 12:35:41]阿媽話今次個d都係去濕藥。
我其實都係想調理下先~~冇甘快想生住~~
因為次前個中醫講到我身體太差,我預左2年時間比自己調理身子同完成夢想先生bb





  • 留言者: ღ。Yuen Yan。ღ
  • Email: a_wyy@yahoo.com.hk
  • 網址:
  • 日期: 2013-07-06 22:30:55
聽到你依個分享都好登你開心呢~祝你快啲做人成功呀!!
[版主回覆07/11/2013 22:11:50]YEAH !!!~~

等你新一篇BLOG~
[ღ。Yuen Yan。ღ回覆07/10/2013 13:45:24]咁你好勤力喎,嘻嘻
12月去的話係夏天來的,我下個月去就係冬天啦
[版主回覆07/10/2013 12:37:52]日日做到冇停手~~哈哈~~
順求自然~~~可能身邊再多幾個朋友有,就會想快d~~~
我地plan緊年尾去呀~~我真係打算跟你個行程去就算,唔想花時間plan....懶到呢~~~因為你去個2個地方都係我地想去的~~~你知唔知如果12月去,天氣係咪都ok ? thxthx~~~





  • 留言者: 2wonwon
  • Email: wonwon_notes@yahoo.com.hk
  • 網址:
  • 日期: 2013-07-04 12:16:09
真係堅勁架~~~~
[版主回覆07/10/2013 12:41:42]yeah !!!!

介口好苦~~~我宜家由一杯奶茶變半杯先~~





  • 留言者: Sugar
  • Email: bp031905@yahoo.com.hk
  • 網址:
  • 日期: 2013-07-03 13:42:50
嘩. 在我男朋友屋企樓下咋.
將來可以睇下!
我又係M 痛到癲的人泥架. 真係會痛到勁嘔勁暈.次次一個月都好似打仗咁.
[版主回覆07/10/2013 12:45:19]我都痛左十幾年啦~~前兩年係因為工作問題,先痛到暈,但我堅持唔食止痛藥,幾勁~~haahaa~~
我成日痛到暈,跟住真係會訓著左~~

你男朋友樓下 ? 可唔可以叫我早d幫我地拎籌先 ? 等我地去到就有得睇...haahaaa~~~

祝m痛遠離你~~





  • 留言者: Chubby Mrs. Yu
  • Email: yubo127@yahoo.com.hk
  • 網址:
  • 日期: 2013-07-02 15:06:33
我娘家係沙田架!! 個醫生真係咁堅, 想指定生"仔" or "女" 都ok?
薯片,壽司,凍奶茶, 全部係我至愛
[版主回覆07/10/2013 12:48:14]沙田友too~~~yeah !!!
個醫生真係甘講,但我都係睇左一次.......
奶茶都唔好....你仲要飲凍.....haahaa!!!!





  • 留言者: 大肥人
  • Email: joycewy07@yahoo.com.hk
  • 網址:
  • 日期: 2013-07-01 03:17:19
我可能估到邊個blogger, 呢個中醫巧似巧遠wooooo, 對我來講 :D
[版主回覆07/10/2013 12:52:35]佢好似周圍走架~~~
我之前睇開一個係北角,女人來的,好好。佢醫到好多不育的人,但有時問題是在男人身上。
但我因為住得遠,睇下又斷下,配合唔到佢 "應保的時候"......但我個時一m痛就會出北角搵佢,佢開一劑藥會令到m黎得舒服d~~~排走哂d一舊舊,唔洗積埋變瘀血。





  • 留言者: Nicody
  • Email: nicola.cody@ymail.com
  • 網址:
  • 日期: 2013-07-01 00:35:01
每次中醫都叫我唔好食酸/辣/生冷/香口野...... 我都知道呢D 野食得多唔好..... 唔食煎炸野都仲可以....... 但刺生壽司呢D...真係好難介..... 如果第日有BB 起碼成年都唔食得..... 都唔知點忍

好好調理身體...好快就會做靚媽咪架啦....
[版主回覆07/10/2013 15:42:05]係呀!你嫁左我地好快一齊做靚媽咪,哈哈哈
我深信媽媽愛是偉大的,你為左身體好,個bb好一定介到囗。





  • 留言者: 水太太
  • Email: tobi_tam@ymail.com
  • 網址:
  • 日期: 2013-06-30 00:08:05
m 痛真係好慘,希望你快d 解決到個問題,同埋快d 有bb啦~~
[版主回覆07/10/2013 12:56:26]多謝水太太~~
承你貴言~~~

2013年6月20日 星期四

狼人遊戲

你們都玩過狼人遊戲嗎?如未玩過,可上google、百度打「 狼人遊戲」就有解說。

人越大就越喜歡玩這個遊戲,因為不是太緊張,我現在最怕玩com 棉胎,如果要玩埋加一、減一,我的上腺會立刻超標百倍。

記得上完最後一堂司儀班後,我們去了樓上咖啡室玩「狼人遊戲」, 三個回合中,我做了兩次「普通村民」和一次「預言家」。

做「普通村民」時,我很清楚自己就是負責合上眼和等待「被殺」, 在投票過程中適當的起下哄,附和一下。(這是我最喜歡的角色。)

做「預言家」時,我會很留心投票時每人的反應和對答, 珍惜睇人底牌的機會。又,上次難得我開中「狼人」牌, 在投票時我就大大聲話,如果唔係佢,我就除Bra!

但在現實中,又點會知道誰是真正的小人呢? 她們善於在你身邊噓寒問暖、扮作好人,為你抱不平的樣子, 有的更經常擺出一副「我是教徒,我是好人」的姿態, 在你面前多次強調自己周日必返教會,食飯時開聲祈禱等等等, 但在你背後卻把你的話無限放大誇張,屈你等等,我現在回想起, 只是想「作嘔」。

好吧!在遊戲中,大家不斷在濫殺無辜, 被狼人搞到唔知邊個是好人定壞人,最後我們會為「狼人」 的精湛演技而鼓掌,但在現實世界入面呢? 其實狼人遊戲每天都在辦公室入面上演,每人擔當不同的角色, 我們痛恨「狼人」,期待身邊有「女巫」拯救自己, 我會為公事上的是非而悶悶不樂,記得前同事同我講, 我對任何人都付出真感情,遲早被傷害的是自己。

我一直認為你對人好,人對你好丫。我想人坦誠,都要先對人坦誠, 我覺得是可行的,但成功率不是百分百。點都好,至少, 起碼我沒做出害人的事,晚上可舒服地睡覺。

呻吟咗甘耐,我其實都係想自己開心少少, 公司當然有想你死的狼人呀, 亦有很多亂聽消息亂作批評的普通村民,但阿Q一點吧, 就當它是一個遊戲吧,一個每天要玩十小時同好幾回合的遊戲, 別把遊戲的得與失,帶回家。努力!加油!

++++

網上流傳這出於「李嘉城」的十個順序,我雖不信其「出處」,事實不管出自何人手筆也好,這十個順序對任何年紀各不同崗位的人,都一樣有益兼有建設性。可惜箇中道理實在沒有幾多人能真正參透,為免大家走寶,就讓我來為各位做解說吧!
1.職場─先升值,再升職:要升職必須首先顯示出價值,職級升了可是價值並未隨之相繼提升的話,升職絕對不是一件值得高興的事,因為根本未能勝任,肯定寧願冇升過。
2.溝通─先求同,再求異:收音機都要調教波段否則無法接收,溝通必先找到共同語言,否則雞同鴨講講來嘥氣!共同語言找到了,大家立場講明了,就可商議不同課題,接納到不同意見聲音。
3.執行─先完成,再完美:要等到完美才實行的計劃,到死都不會做得成!正所謂萬事起頭難,有勇氣踏出第一步,邊學邊做,先把工作做好慢慢累積經驗,再求完美,不得本末倒置。
4.學習─先記錄,再記憶:每日身邊發生那麼多事,資訊科技日新月異,單靠記憶能記得幾多?所以必須先把所見所想用紙筆也好電腦也好全部記錄下來,定期翻閱,融會貫通之後,就是基本功。
5.設計─先仿造,再創造:自己的路自己創造,年輕人未見過世面不知何去何從,先找個崇拜的目標人物來模仿,直至有個人心得之後,就有能力創出屬於自己的創新招式。
6.創業─先成長,再成功:不進則退,不管是做人抑或做事,不能原地踏步,只要不辭勞苦勤加磨練,技藝技巧與日俱長,成功自會在望。
7.發展─先站住,再站高:學功夫先要紮穩馬步,要站得高才看得遠,沒有根基陣腳當然站不穩,好高鶩遠經不起風吹草動輕易就被吹倒,跌下來分分鐘粉身碎骨,要從新站起來,談何容易?
8.人際─先交流,再交心:畫虎畫皮難畫骨,知人知面不知心,不必急於全拋一片心,交心之前先相處交流一下,看清楚為人品性是否同道中人,之後再作決定是否應又值得交個心出來都未遲。
9.先做好自己,再要求別人:其身不正,何以服人?來人先求己,上樑不正下樑歪,先盡責把本份做好之後,才有資格要求他人。
10.先解決心情,再解決事情:只要條氣順,一切事情好辦,否則頂住條氣,講乜都假,肯定冇商量。只要能夠安撫情緒平伏心情,就一定有辦法解決。

本周Son姐醒你:「知止而後有定,定而後能靜,靜而後能安,安而後能慮,慮而後能得。物有本末,事有終始,知所先後,則近道矣。」


  • 留言者: 恩恩
  • Email: enenen919@yahoo.cn
  • 網址:
  • 日期: 2013-07-01 10:34:53
弱肉強食...這是一個定律。無法改變的職場定律。
心態,系最緊要的。工作中有“狼人”也肯定會有“女巫”的。
RELAX。。。。。
and我覺得最重要還是要有自娛和自嘲的心態。這樣,在遇到不順心時,也會開懷小小呢!





  • 留言者: OHuir
  • Email: caramio_arar@yahoo.com.hk
  • 網址:
  • 日期: 2013-06-29 13:50:39
babe, 記得你真正的生活很美, 很甜…他們(屎)不出現怎樣顯現出你的(愛你的人)糖有多sweet~~一啖砂糖一啖屎也大概是這樣吧~~愛你





  • 留言者: 大肥人
  • Email: joycewy07@yahoo.com.hk
  • 網址:
  • 日期: 2013-06-29 11:47:18
好彩而家公司都有d好同事,當然壞人都有啦....
不過我都學會保護自己啦~





  • 留言者: Chubby Mrs. Yu
  • Email: yubo127@yahoo.com.hk
  • 網址:
  • 日期: 2013-06-24 17:03:20
個game 好似幾得意咼, btw 其實間間公司都有好人同壞人, 唯有上述第8點, ─先交流,再交心吧~ cheers~~~
[版主回覆06/25/2013 23:32:57]謝謝你呀~~幸福MRS YU ~~
係呀~~分好人同壞人都好難~~
狼人遊戲。。。。。。其實係有MC版的KILLER遊戲~~

2013年6月19日 星期三

唔好味囉之妹豬CAFE.







前日澳門同學仔,下午突然whts app我:「今晚食飯,ok ? 想試muji cafe,我宜家搭船過黎.」
我竟然唔知開左muji cafe,由於依個人十年都唔搵我一次,佢忙我又忙,即使未病好,我都say yes !

哈哈~~我地兩個都食過muji cafe ,佢食大阪,我食東京。

我仲記得係n年前同媽咪去日本,行行下街,突然落大雨,走入muji避雨,見到有cafe同十殼米就坐低食埋lunch. 好耐冇同媽咪去旅行啦,阿媽你打算請我去邊度玩呀? (你冇睇錯! 我依個不孝女!!! )

嘩~~MUJI CAFE ,難食,唔得囉,講完。





圖中一個SET要98蚊,好難食所以唔值,唯一賣點十殼米都賣哂,冇野好講。





要讚的細心位有兩個:

1. 有留座牌,可以兩個人一齊出去買野食,就算一條友去食,連同隔離位講:「唔好意思,可唔可以幫我睇住個位」都慳返。

2.玻璃上的三條線是幫忙打格的嗎 ? 外面正在血併的人隻手,唔洗手指指,指住我食野囉。最正係我唔洗貼心心可以POST 相LU~~~

喂~ 唔好味呀真係。

P.S : 冇UPDATE一陣子,因為忙到嘔,不在港一星期,又發埋燒 (發完燒係咪可以再高D ?)
今晚阿媽話: 你係外國個妹話,你再唔打BLOG,佢罷睇呀~~
多謝小妹捧場。阿媽,請我去旅行啦,峴港PLS~~~



  • 留言者: 貓豬女
  • Email: zerlina_c@yahoo.com.hk
  • 網址:
  • 日期: 2013-07-01 23:45:32
噢~~ 仲諗住去試~~
小心保重身體呢~~
[版主回覆07/28/2013 16:57:57]THX THX ~~~
唔知有冇改善呢?





  • 留言者: 水太太
  • Email: tobi_tam@ymail.com
  • 網址:
  • 日期: 2013-06-30 00:09:04
原來咁唔掂,仲有諗過去試下添﹗
[版主回覆06/30/2013 15:07:25]應該真係唔掂,我地兩個人八個送都好一般。





  • 留言者: Makiyo B
  • Email: makiyo_yeung@yahoo.com.hk
  • 網址:
  • 日期: 2013-06-25 18:46:00
又唔係平,仲要難食,too bad
[版主回覆06/25/2013 23:33:48]YES YES !
DONT GO ! DONT GO !
HAAHAA!!!





  • 留言者: 2wonwon
  • Email: wonwon_notes@yahoo.com.hk
  • 網址:
  • 日期: 2013-06-24 12:41:17
睇來真係唔多好味啦................
[版主回覆06/25/2013 23:34:31]係丫~~唔好味~~
想同你講聲「多謝」~~





  • 留言者: NET
  • Email: janetcch726@yahoo.com.hk
  • 網址:
  • 日期: 2013-06-24 00:12:11
好似ikea個cafe
[版主回覆06/24/2013 01:03:59]ikea有時都會想食下~~~





  • 留言者: Dolly
  • Email: katsutoxin@yahoo.com
  • 網址:
  • 日期: 2013-06-21 14:56:33
見到咁細份量就知大食妹如我唔會去

take care~
[版主回覆06/21/2013 15:07:10]thx dolly......
碗飯都大碗既…………
同埋餐廳冷氣好大 兩冷盤兩熱盤 好快變成四冷盤
no good no good......





  • 留言者: Nicody
  • Email: nicola.cody@ymail.com
  • 網址:
  • 日期: 2013-06-21 10:32:44
陰公豬囉病左, 快啲好返下個月出黎食好野
[版主回覆06/25/2013 23:35:12]YES !!
肯定好嘈~~BLAH BLAH BLAH !
[Nicody回覆06/24/2013 23:59:20]其實未約實架...... 7月尾D 星期六日你O 唔OK????? 如果你有興趣一齊黎.... 叫ki add 埋你落 whatapps 個group 一齊傾吧
[Liz ♥ Donald回覆06/24/2013 23:12:11]哦 原來kiki都有份嘅!!!
佢無話我知呀
咁約幾時啫你班衰嘢??
[Nicody回覆06/23/2013 13:58:33]你一唔一齊黎丫? 同埋Ki 一齊high tea
[Liz ♥ Donald回覆06/23/2013 04:38:40]哦!!! 你地私約無我份
我憎屎你地呀 (小朋友mode)
[版主回覆06/21/2013 15:05:51]yeah!!! 期待很久。
唔好介意我爛面中。。。。
好反好多啦,thxthx.........
[版主回覆06/21/2013 15:05:08]yeah!!! 期待很久。
唔好介意我爛面中。。。。
好反好多啦,thxthx.........





  • 留言者: Ki
  • Email: heaven_renewal@yahoo.com.hk
  • 網址:
  • 日期: 2013-06-20 21:22:03
保重呀!
[版主回覆06/20/2013 22:43:14]THX KI~~
仲有三成。。。。。好返好多了。
發燒都想暈都可以開工,每個人真係有小宇宙。

2013年6月4日 星期二

((未完成的)) 2013521* PRE HONEYMOON 第二天 (HOMEONE 36、恆春、出火、小杜包子、輝哥生魚片、戀戀莎堡、阿婆小吃店、一品老味)





我們選了自然醒和在房內吃早餐。。。。。
係咪好吸引呢?
祝大家都有個GOOD MORNING

(待續~~)

HOMEONE 36
















恆春花海













出火











小杜包子















輝哥生魚片



























戀戀莎堡

















阿婆小吃店













夜市













一品老味




























  • 留言者: Ai mee li
  • Email: aimeelili@yahoo.com
  • 網址:
  • 日期: 2013-06-23 23:40:10
張大頭相, 你d皮膚好似好好咁呀, 羨慕ing
[版主回覆06/24/2013 00:47:31]快D一齊打TAIWAN TRIP !!HAAAAA
[Ai mee li回覆06/24/2013 00:38:48]我都有好多post未打.....
[版主回覆06/23/2013 23:53:32]我要努力打埋篇BLOG~~USHHHH!!!!
[版主回覆06/23/2013 23:52:59]NO LA。。。。。
用了美肌~~~呃人架~~~HAAHAA~~





  • 留言者: 喬大小姐
  • Email: jessie_joisse@yahoo.com.hk
  • 網址:
  • 日期: 2013-06-22 23:21:29
戀戀莎堡我都有住過! 真係幾靚ga,佢地間間房都唔同ga!
[喬大小姐回覆06/26/2013 01:04:57]我記得有熱情果...哈哈!!
[版主回覆06/25/2013 00:48:53]YES !ME TOO ~~~
仲有,佢地個早餐好好食~~
[喬大小姐回覆06/24/2013 23:46:36]我住"國王城堡" 呀~ 有機會我都想住多次!
[版主回覆06/23/2013 02:04:19]YEAH !! 又平又正~~
我住「再見康橋」。。。。。。你呢?





  • 留言者: NET
  • Email: janetcch726@yahoo.com.hk
  • 網址:
  • 日期: 2013-06-09 18:51:27
個早餐令人好興奮。
睇落又好似好易整喎(師奶mode),等我抄下先, 哈!!
[版主回覆06/10/2013 02:01:18]yeahhhh
喜歡你的師奶mode.....
佢個mak包係焗脆左ga! very very good......





  • 留言者: 2wonwon
  • Email: wonwon_notes@yahoo.com.hk
  • 網址:
  • 日期: 2013-06-07 16:19:06
個早餐好精美呀
睇到好肚餓呀.................
[版主回覆06/08/2013 23:33:45]再幻想多少少 我地最後搬左個早餐出露台食。。。
ummmmm

下次睇民宿 早餐都會列在考慮之列 haahaa
因為今次住個三間的早餐都好good!!





  • 留言者: ღ。Yuen Yan。ღ
  • Email: a_wyy@yahoo.com.hk
  • 網址:
  • 日期: 2013-06-07 14:04:46
D相影得好好靚!!!
等你UPDATE呀
[版主回覆06/08/2013 23:30:15]多謝你呀
d相我老公影架,等我話聲佢知先:)
我回到hk會update ga la......最近好忙呢!!!





  • 留言者: Ki
  • Email: heaven_renewal@yahoo.com.hk
  • 網址:
  • 日期: 2013-06-07 10:16:19
im so hungry now!!
[版主回覆06/08/2013 23:28:54]同你開心share la haaaaaa
share high tea .....wakaka





  • 留言者: Makiyo B
  • Email: makiyo_yeung@yahoo.com.hk
  • 網址:
  • 日期: 2013-06-06 13:04:24
><;;;哇......賣相超正呀!!
[版主回覆06/08/2013 19:02:47]依餐good good呀





  • 留言者: 2San
  • Email: lcscis@yahoo.com.hk
  • 網址:
  • 日期: 2013-06-05 10:08:52
嘩~洗唔洗咁吸引呀!!!!!!!!!!!!!好彩我今朝都食左個好味早餐~有保護姐~哈哈
[版主回覆06/08/2013 18:45:29]哈哈。個簡單早餐真係幾好味架。
我宜家又出緊trip.......公事。
等我回來喔。