註：相同v是兩間公司的，我們用的p，不用same day edit，2p1a價是$12,000。
各位，琴日終於收到等了三個多月的big day photo.
睇完之後，除咗用個「驚」字黎形容，我都唔知仲可以講咩。
老公叫我唔好打依篇blog，佢覺得我地成個婚禮都好美滿，收碟個一下開始有一個污點。我很內疚，於是我們手拖手pillow talk.........
多謝老公事事樂觀，經常掛上笑臉。認識老公前，我的情緒起伏超大.......後來被他感染，開始凡事都向正面看。今天決定打出來，要很大勇氣，雖然我們樂觀但「一生人一次，又花了多麼多錢，所有相搞成咁，好唔開心都算正常吧？」
交待一下歷史背景：身邊有好多從事攝影的朋友，但我們都想朋友好好投入婚禮當中，所以是我提議在外聘請攝影師的。我覺得好對唔住老公，今朝起身都不停講對唔住。落訂見面時，我問齊所有問題，要佢拎哂big day全套相比我地睇.........但估唔到都是「中伏」！
我不知道可以比什麼貼士各位b2b，我自問都叫謹慎.......
難怪晚宴上，不少我們的好朋友都主動拎部相機出黎影相。席前我多數在新娘房，老公講返當時聽到很多聲音：「你請班人好鬼游喎。」、「打啲燈亂黎喎。」
婚後一星期，開始收到朋友的碟，好靚好開心。
其中一位好朋友：「你地跳舞既相，我肯定我影得好過你請既，我睇佢地走位就知出事啦。」朋友影的確很好，但我沒想到在外聘請的可以如此差..........
好吧！長話短說.......
大日子後態度：
一早應承咗2月尾比相，最後是4月15日先收到相。
3月初說寄比我，之後他去歐遊。
3月尾，他說對不起，再給他時間。
4月中，他說寄出了很久。(寄出唔講聲？) 他說必定是寄失了，但不要擔心，他會再寄。
原來等了三個月，standard相完全沒有執....而snap就執到.......
說好有一條網上link比親友dl相片，到現在還未有。因為他去了bali旅行。
早上的相：
在家沒有拍攝新娘與姐妹相
老公說snap的根本沒有做check white ，我親愛的婆婆、父母、嬤嬤、老爺奶奶的臉色很怪。（或許是style吧？所以我昨天已要求拿回原色相。但攝影師正在旅途當中，未有回覆。）
早上的相片部分粗粒到呢.....放大不了，因為未放大，塊臉已經起粒。
早上沒有安排兄弟姐妹拍照，唯一一張是我開口要求的。
standard攝影師的反光板直插爸爸眼中，爸爸的眼睛紅了兩天。
我明白，其他角度問題冇得講.......所以唔講.........住
伯大尼的相：
容許我先大叫一聲救命，再繼續打落去。
老公淡淡說：「唉！浪費了伯大尼這個場地。」
我倆很喜歡這個場地......我真的想哭....
每一張重要時刻相片，我們的臉都是黑色的影子。(全部用機頂燈？再加亂飛燈？)
例如鍚鍚時，老公半塊瞼是黑色影，亦只有一個角度的相，所以全部都有黑影囉。（樂觀的老公：「鬼叫你pizza臉咩，你塊面細啲應該冇事。」）係既～鍾無艷老公
大合照時，整個伯大尼背景（牆身）都是影。
我的婚紗、姐妹裙都是黑色影。(早說嗎！我唔洗請咁好的make up，唔洗租咁貴的衣服。)
全部勁爆。爆咗可以點執？
我覺得好恐怖。(又！2v間公司其中一部都是單鏡丫，完全冇出現咁既情況，朋友影的都沒有。)
(老公剛whts app我一張伯大尼的外貌相加一句「我愛你，梁太」，在車上經過，咁夾呀，我打到伯大尼喎，梁先生。)
本身好想等有相，同大家分享一下勁靚的教堂佈置，美呆了的tiffanys flower......可惜可惜，完全沒有花的相片。
講住咁多先。
晚宴的相：
除了無言，還是無言。
沒有安排新人與父母親合照，雙方家長都冇影相。（你可以話我地都有責任，但攝影師也要提醒和負責排位。）
有追blog的都知道，我們多重視回禮tote bag，席前已放在桌上，但。竟。然。一。張。相。都。冇。
台上的照片，嚴重不水平，且八成相片都是前排人光，後排人暗。
和來賓的合照，有時影到BACKDROP名牌，有時CUT一半，有時唔影。有時得一張CLOSE UP，好多勁爆，我送客粉藍色的晚裝變了白色，大家的瞼都很一致，白色的。
(再一次！如果是這樣！我唔洗請咁好的make up，唔洗租咁貴的衣服。)
敬酒，這輯我笑爆了咀。我的臉都被紅酒杯遮住、一半的相對焦的是杯／賓客的頭而後面的人全是懞，有很多張是全張相片都是懞的，身邊的人被斬件等等.......
對不起，我們沒有每一張都細看，實在是看不下去，日後再發現更精采的，定必再分享。
請給我一個擁抱.....
昨天正在打大日子化妝回顧，寫得好開心，估唔到........
okok !!! 正面娘娘上身先：
幸運用了兩間公司，v的很滿意。
幸運有很多好朋友，當天按捺不住...按下快門。
幸運是大家都有智能手機。(唔想講都要講，手機拍下的更「正常」。)
今早忍唔住同朋友呻下，亦有之前交收過的朋友們，謝謝你們的安慰和幫手問補救辦法。
苗苗，謝謝你。
「嬲爆唔開心是正常
但外人的我，沒去過，沒看過相。
但我所感受到的你婚禮是好開心，和其他人的有不同的感覺，至少我未去過也覺得去了會勁開心。相好重要，但是，真正現實你所感覺的更重要。」
開於big day間公司，我唔想開名，人地始終要搵食（友人要我打「呃飯食？」哈哈），有緣睇到依篇blog，你問我吧，我一定答你，我唔想再有新娘子好似我咁.......
- 留言者: Genny
- Email: genny_leung@yahoo.com.hk
- 網址:
- 日期: 2013-06-24 10:06:21
hello,請問可以pm我嗎? 謝謝!
[Genny回覆06/25/2013 09:24:07]我收到啦:) 多謝你啊:) 唔好唔開心啦:)
見到你婚禮其實各方面都好好, 同埋你個photo booth好正啊!!
d相哂返出黎ok嗎?
[版主回覆06/25/2013 00:47:09]PLS CHECK MAIL。
祝你大日子順利～～加油～
[Genny回覆06/25/2013 00:34:31]Sorry ar,好少寫yahoo blog唔知道開唔到 >__<
我e-mail係sukiwed@gmail.com, 我呢幾個月都搵緊big day影相,
好驚會搵中佢>__< 謝謝你啊:)
[版主回覆06/24/2013 10:33:09]但我去唔到你個blog
你有冇email呀
- 留言者: 喬大小姐
- Email: jessie_joisse@yahoo.com.hk
- 網址:
- 日期: 2013-06-22 18:31:51
你可以pm我ma? 謝謝!
[版主回覆06/23/2013 02:02:53]PLS CHECK PM :)
- 留言者: Kenix
- Email: kenixho109@yahoo.com.hk
- 網址:
- 日期: 2013-05-11 00:49:21
Shirley, 我同你一樣，決定結婚時距離大日子只有大概半年時間，我地今年三月中決定，十一月big day; 我差唔多send左廿封電郵問題rate card, 因為好多攝影師都冇期，so far約左兩個出黎見；因為我人數少，賓客只有三十至四十人，所以唸住要1P1V, 預算一萬蚊上落；）
[喬大小姐回覆06/22/2013 23:58:45]joysfoto都好多人讚的~ 你可以上esdlife到睇睇丫!
[版主回覆05/13/2013 23:03:31]加油呀～
[版主回覆05/13/2013 23:00:48]依個問題，我實在冇資格答
但我個時睇，有一間我都幾中意，而且我記得我問價時，只是7000多元
https://www.facebook.com/joysfoto
你可以睇下：）
我個時又係因為好多人都冇期，見到一個價錢OK，見面感覺又OK就落訂了
唔好好似我甘呀～～幾急都好，網上的評語都好重要
- 留言者: Miu
- Email: miuchan0917@yahoo.com.hk
- 網址:
- 日期: 2013-05-03 23:56:51
你地一定好唔開心啦
請問係邊間公司啊?
[版主回覆05/04/2013 00:29:22]PM了 ：）
- 留言者: 恩恩
- Email: enenen919@yahoo.cn
- 網址:
- 日期: 2013-04-19 09:46:46
相片，系以後回憶的一個平臺。一個如此完美的婚禮就因為攝影師的不負責任而給新人留下遺憾。真系勁衰！！！！！也好想大聲講句好！賤！格！啊！！！！
不過，有一幫甘好的朋友為你影相，也是一件好值得開心的事情！......
OK啦！OK啦！
梁太，吾好再吾開心啦！
過左去啦！過左去啦！
[版主回覆04/20/2013 15:45:14]多謝你呀恩恩。
今日拎反條網上LINK，朋友睇哂都有同樣感受。
伯大尼的相，真係最慘，而晚宴上爆哂的相都救不了。。。
OK啦OK啦。。。。
知道知道 ：）
- 留言者: Makiyo B
- Email: makiyo_yeung@yahoo.com.hk
- 網址:
- 日期: 2013-04-18 12:02:59
有冇搞錯呀!!!等左咁耐,,,,竟然..........
仲要唔係平wor~
唔怪得佢死拖爛拖都唔肯交相啦!!!
不過.....好彩有朋友仔幫你影,,,同埋video好滿意.....
[版主回覆05/02/2013 00:44:05]都係映賓客個頭。。OK啦～
[Makiyo B回覆04/18/2013 21:56:28]咁得閒係度睇相"??敬酒唔洗影咩"?
[版主回覆04/18/2013 18:37:34]最好笑係video影到佢敬酒時，keep住起我地後面，翻睇啲相。
[版主回覆04/18/2013 18:33:51]就當比錢2v送2p.......hahaha!
但個日都好好相處，順順利利，真係萬萬都估唔到啲相會咁。
都唔知佢拖咁耐做咩，又幾曰失踪了。
link 冇，原相冇。唉！！！
- 留言者: Nicody
- Email: nicola.cody@ymail.com
- 網址:
- 日期: 2013-04-18 00:50:14
嘩.... 乜間野咁衰架!! 無料就唔好係度搞搞陣啦!! 邊間咁衰? 靜靜雞講黎聽下?!
唔好唔開心啦....好彩你都有朋友幫你地影...... 再加上.... 所有最美好既回憶都會永遠keep 係你地個腦入面
[版主回覆04/18/2013 01:37:41]我都仲未訓～～
頭先睇哂大日子的VIDEO，好滿意，我同老公都睇到好SWEET。。。回味中。
我地當天用了2V，很好很好，這間我好推介。
睇你篇BLOG先知D﹣BAY個教堂咁貴，但睇相真係好靚呀～
我地都要開開心心做人妻～～笑下啦，快D去試婚紗～～HAHA～～＊
等睇你個幸福樣。
- 留言者: 2San
- Email: lcscis@yahoo.com.hk
- 網址:
- 日期: 2013-04-17 10:30:22
早幾日先同老公講起d人好無良心
婚禮每個人只得一次, 自己技術唔夠就話走出黎搵食
你就無野jar, 人地個婚禮懞上一世污點呀!
不過唔好唔開心啦~好彩你朋友都有幫你影下jar!
[版主回覆04/17/2013 12:26:08]正面娘娘又上身先：冇技術都算啦，每個攝影師都有頭幾次。但有冇心真係好大問題。我地輯相真係冇心影，唔得今晚如果有時間要upload d 爆笑相比大家開心share.同埋上面打錯咗，2p價是12000，不用same day edit . 他收得都唔平架。
thx sylvia :) nice to meet you
- 留言者: Belia
- Email: belia_to@yahoo.com
- 網址:
- 日期: 2013-04-16 17:39:57
真係估佢唔到！拖你咁耐都仲要交行貨
失望係在所難免的，不過big day當日幸福ge每一幕都會記在所有人心中，仲歷久常新啦！
[版主回覆04/16/2013 22:34:54]多謝你呀belia
哈哈，最希望拎得返原相！！
- 留言者: KATY
- Email: ckykaty@yahoo.com.hk
- 網址:
- 日期: 2013-04-16 16:57:26
攝影點冇水準都唔會係咁囉....
佢依家憑咩去呃飯食???
就憑佢當初俾你睇SAMPLE既相嗎?
真係覺得呢樣野係你婚禮的一大污點
但你老公真係非常正面, 而慶幸的是很多賓客都為你地婚禮自動影下唔少靚相, 唔好再唔開心啦
[版主回覆04/16/2013 17:30:05]多謝你呀katy.
佢既sample相真係好正常亦都得架。
snap同standard都有睇過，而見面後，我仲專登叫佢send一輯影伯大尼的相比我睇左先落訂。
我其實內疚多啲~因為我當初都幾堅持要在外面搵fotog.
