令我好有動力去完成依篇回顧。
哈哈，我最鍾意就是這張相，攝於BALI日航酒店外沙灘
出場啦，出場啦，好驚踩到條裙呀，睇相才發現好似拎得太高。
大家飲多杯啦，契哥送的一對SWAROVSKI香檳杯，勁靚。多謝好朋友文仔當晚幫我影咗啲相，一直止癮。
攝影師承諾了二月尾交相，但到今日（四月中）都未交到，我估我最快都要五月先收到相。
＊其實算唔算違約呢？當初說好了兩個月內。
回想起婚禮，我仍然好感動，因為要有人好多人幫手同配合，我地個婚禮先可以如此順利，更難得的是不同年紀既賓客都講：「個場好靚、食物好好味、好好玩、好熱鬧。」
唔知點解姬子皇朝的擺酒率都好高，但網上評價就少之有少，當初我地落訂前都好驚係黑店。但今日我可以同你講吓我既感受。
去年某月，我同朋友阿雞（去年6月嫁）傾開，問佢拎左伯大尼個電話，膽粗粗打去問，點之2013年1月4日仲有期喎，咁我就打比男朋友：「喂！你係唔係娶我？伯大尼有場呀，無理由要我訂？」男朋友講返，佢話佢當時勁開心，但因為正在工作，於是走落ritz carlton個大堂細細聲打電話訂場。訂好又因為身邊有好多同事，佢打返比我，只可淡淡然：「訂咗，得！」
本身只係打算行禮，所以下一步是搵律師同教堂佈置 ( 另一篇再講林志達律師同TIFFANY'S FLOWER )
但我地兩個都係大仔大女，四大長老當然想擺酒，而我地都唔抗拒，就開始搵晚宴地點啦。由於大日子當日係星期五，考慮到行完禮已經係晚上六時，而香港仔隧道亦會大。塞。車，所以擺酒地點就按伯大尼附近去尋找啦。
最近的當然是車程約十分鐘的數碼港艾美酒店同姬子皇朝，由於艾美酒店好似擺唔到多過八圍，那就選擇姬子皇朝。同老公兩個去睇場，撞正有婚宴，一睇好鐘意，樓底好高，內廳紅紅地，舒服，隔幾日就約埋四大長老去飲茶睇場，大家都鐘意，隔幾日就落訂。
餐茶八個人，埋單要一千六百幾蚊，食點心乍喎。
要讚既地方：
＊大日子前一星期先加多11圍，最後盡開33圍，都坐得好舒服。
＊FANNY 跟得好足，成日煩住佢都有問有答，大日子當晚仲帶領我地由秘道出場。
＊經理阿MAY有努力看管我們帶來的酒，我們要求數酒塞也做到了。
＊敬酒部分很順利，帶領的男員工做得不錯。
＊新娘房夠大。
試菜相
＊所有客人都讚野食好好味，包括平時好掩尖、可以好口賤的朋友們。(事實上，我們試菜個日都覺得好好味，但以為只限試菜，我好記得我食完同經理講：你地啲野食原來甘得架？）
＊有兩晚艾美酒店送，好方便。
＊有兩架送客巴士送，一架去九龍塘一架去金鐘，正。
＊回門乳豬新鮮，好好吃。
認為可以改善既地方：
＊完全冇人拎野入新娘房比我食，亦沒有人幫我們打包食物，最後返酒店叫room service。
＊冇提我地要買生果，我地漏了這一項。搞到好多長輩等了又等，最後真係得個「吉」。
＊有部分人話條魚蒸到過火，好韌。
＊廁所
＊當晚片段、音樂播放好順利，但大部人都話個螢幕好「懞」，睇得唔清楚。坐在外面的賓客不停問：說好的電視呢？（有六圍檯的人完全唔知內廳播緊咩片）
＊當天我們提供的酒是藍帶、pj 香檳（Perrier Jouet） 、紅酒fugue de nenin 2004，但大部分賓客指侍應們不太懂Serve 酒。
＊完全唔知有比貼士依個環節。話說埋完單之後，經理入新娘房問已經半醉的我們比幾多錢貼士．．．
我就當去完酒店食飯囉，於是我好豪氣地抽咗兩張一百蚊紙出來，個頭向上昂，說一聲：「嗱！多謝你地。」知道行規的你，一定猜到我有咩下場。
(個一下，我仲以為自己好大方，噢！錯哂........)
經理
：
「你唔係嗎？兩百蚊？你擺三十三圍，即係每圍得六蚊？」
老公：「得！你講，大家都想開心，比幾多你會舒服？」
經理
：
「通常每圍一百蚊，你地要比三千三百蚊。」
當時我都暈暈地，兄弟姐妹又冇人係新娘房，完全冇力招架。
（後來得知原來要講下價的，後來又得知大日子當晚男家派完利是比酒樓所有人，經理又向我阿爸講：女家都要派架。）
WELL~各位B2B你們要知道有依個TIPS環節呀，雖然是開心錢，但都要有個預算。
總結：我同老公都好鍾意姬子皇朝，都有啲掛住煩FANNY既日子。
～我們晚宴主題是ITS NOT A WEDDING，IS A BIG GATHERING．
～見到全場人HIGH爆一齊跳江南STYLE （沒有綵排，我地冇諗過賓客們甘HIGH．）
～大大大部分人都飲醉離場，盡興而歸
～大讚條自拍進場片（又BB聲，我又比堅尼奔跑加碌沙灘，我老公又露點，問你地死未？哈哈！）
～爸爸既同事們，事後不停讚：好青春既婚禮，好正！
～老爺奶奶：個個親友都讚個場好靚，樓底好高，好舒服
～我既朋友，中學MISS，中學同大學同學，舊上司
同事事後都主動同我講話好ENJOY好回味好登我開心，仲唔夠？我就係想大家開開心心過一晚。
感激每一位出席的賓客，謝謝你們的愛令我倆有個難忘的1314晚上。
- 留言者: Sugar
- Email: bp031905@yahoo.com.hk
- 網址:
- 日期: 2013-04-29 09:06:18
其實俾tips 我都開始諗緊.
我有諗過如果真係堅持唔俾. or 俾好少佢地會點
因為個陣賓客都走得7788啦..hahhha.
[版主回覆04/30/2013 12:18:29]我之後都聽過真係有人唔比....同埋要嗌好耐......
d魚唔店wow
d人招呼唔店wow
(其實都幾煩....我地好怕煩)
我地都比得開心既，只不過失了預算.....
同埋我地仲有回門乳豬,一周年紀念晚餐.....etc !
我等你分享呀~~heehee :)
- 留言者: B の家
- Email: billywck1@yahoo.com.hk
- 網址:
- 日期: 2013-04-19 18:18:11
[版主回覆04/20/2013 15:42:08]YES ！ 多個影相位，但出場時好驚仆，因為頭幾級比較高～
THX ～～＊
- 留言者: 大肥人
- Email: joycewy07@yahoo.com.hk
- 網址:
- 日期: 2013-04-17 13:28:26
起初無人信我要比tips...最後真係問左係每圍加五十.....99即刻話女家唔使派利是..only 男家派就算..好彩佢收50蚊圍....如果唔係40圍我就無左4k....
[版主回覆04/18/2013 15:56:32]謝謝分享。
我都有同感，冇時間招呼朋友，但冇計啦，一塲晚宴要滿足n個人的願望。
[大肥人回覆04/18/2013 13:12:30]好多酒樓都話無架....記得講明係邊個答話唔收TRIPS...有D 酒樓好奸架.....
我都係因為識人，所以酒樓先答我地囉.......
我擺灣仔東園呀.....
太多圍啦....其實我唔開心.....因為無晒時間招呼D親戚朋友.....40圍有20圍都係唔識架........
[版主回覆04/18/2013 01:42:33]果然精明～～原來TIPS可事先講定？
定我教下身邊D姐妹先，THX ～
你邊間擺呀？可SHARE ？！
40圍好勁～～
擺酒真係好開心 !！
- 留言者: Toby
- Email: toby_tse@ymail.com
- 網址:
- 日期: 2013-04-16 20:23:41
利是, 我之前都聽過朋友講, 有啲侍應會R雙方父母, 所以一早同佢地講好, 有人問佢地攞就叫佢地搵我地.
[版主回覆05/03/2013 00:37:26]THX FOR SHARE AR ！
HOW ARE YOU NOW ？
SUPPORT ﹠ HUG
[Toby回覆04/18/2013 09:29:32]清潔費佢開$500 . 最後俾左$200.
其實$500 同$200 我地都覺得無問題. 但係最唔鍾意係佢係我地俾哂錢至開口再收.
因為我屋企人話個經理好似自己袋咁款, 唔似俾返清潔既職員.
我之前朋友提過我呀. 所以我知呀. 同埋叫屋企人注意.
[版主回覆04/16/2013 22:42:05]我真係唔知道有依個環節。其實都比得開心既，當晚好開心。
暫時聽回來都是100一圍，有煌府新娘子分享話60一圍。
朋友擺mira, 比左4500利是㕑房們，但佢都覺得好值，只是佢阿老公唔知奶奶比左，又再比多2000幾樓面。
[版主回覆04/16/2013 22:37:42]咁清洁費標準是多少？
我
沒有留言:
張貼留言