謝謝友人K的船票，星期一晚放工後過了大海。
謝謝銀河送了一晚房、六百蚊優越錢（可變現金的）同價值＄298的腳底按摩比我。
可能上次輸咗獲金，「有幸」被選中，上次已經免費住了一晚銀河總統房。
拎房時已經晚上十一時五十九分，前台姐姐話冇大床房，咁我又話一早訂好，唔會要兩張床的房。隔一陣，姐姐就話：「仲有一間，床會比較矮，但所有設施都一樣。」
你會如何解讀這句話？
由於上次在BANYAN TREE有不快經歷，搭𨋢時就不停想，幻想，空想。。。。。
好彩，入到房，好舒服，冇事。
直至沖涼時見到個扶手同緊急制，就明白這是一間被傷殘人仕使用的房間，所以房內的設施都比較矮，空間比較闊。
銀河的房真係幾舒服，仲有免費飲品同零食，我都真係用得著。
我是不會再住銀河的朋友﹣﹣澳門BANYAN TREE
星期二中午SUMMER小姐揸車來接我去食LUNCH。。。
前一晚，她說：「食過路環橋記未？」
「未呀。」
「十二點餸會多D，一點應該淨得兩，三個餸，多既意思大約是六個餸，想多D選擇就早D去。」
其實，完全唔知道「多選擇」是咩意思，只知道早去應該是有著數的，懷著興奮的心情去試這餐「葡式味道的午餐。」
原來位置是安德魯葡撻附近，最鍾意試新野，GOGOGO～～＊
由泊車一刻開始，SUMMER小姐不停講：「死啦，我怕佢冇開呀，睇心情架。」
好彩，有開！！！
就是這裡，外面下著毛毛雨，所以坐室內。
仲有四個餸，YEAH ！
幾有風味，坐得都舒服呀～十個LIKE．
我唔食牛，但應該叫多個沙律豬手囉。。。真係「豬咪咪」啦。
雞有D「軔」，於我來說，豬軟骨就有D過辣，但好味道。
可選擇配麵包、飯或者通粉。
熱奶茶多奶，OK的～～
會再光顧，謝謝SUMMER請客。
紅色的，很喜歡。看到心情超愉快。
下一站，漢記咖啡。
唔係有車，應該要搭的士。。。（但回程點算好？）
但這裡勁多狗，好驚～
食食下，都會有很多狗在你身邊走走，我冇尖叫，已很勁。
人不多，很好。
聽說假日，會被香港人攻陷，輪候時間需要一小時。
據悉，老闆之前是做船廠的，後來弄傷了手就改行做咖啡，手打咖啡，打至少二十下至起泡。
很很很很很很好味，不用加糖。
奶油多都好好好好味。
下次冇車，點去呀 ﹣＿﹣
很喜歡這裡，一定會再黎。
最後，都要去買手信比老爺奶奶，阿爸阿媽，當然唔多少得我至愛的金錢餅。
測試消防系統？唔開門？冇得享受免費的腳底按摩了
希望SUMMER小姐用到啦。。。
兩年前，在一個七天台灣交流團上認識summer小姐，正所謂同類相吸，兩個傻的人自然玩埋一堆。大家現在都仲用緊爛殼s2，幾夾？講起部電話就好笑啦..........
話說當年我剛出s2一星期，在去台灣機場的車程上發現，手。機。不。見。了。
summer小姐認為我一定在玩野，直至我跪在旅遊車地上，含著眼淚翻開所有行李，她才相信，哈哈。她一邊幫我打電話（長途架），直至有人接聽，我一拿電話就大叫：「點解你要偷我電話呀？」原來是一名好心台灣人，正拿著我的手機去警局，他不懂用智能手機，沒有鍵盤情況下，未知如何接電話。好彩，我真是好好彩。
導遊在車上開咪：「我可以幫你去拎，但你要識做，點都比返啲車費我。」（okok! 我做人咁多年，當然識規矩，但佢開咪在車上重覆多次提點，令我很佩服。）導遊幫我拎到手後，再交比我一位正在台灣旅行的好姐妹，未夠一星期就拿回手上，感恩，好人是有好報的。
之後跟summer小姐見面的時間不多，而沒有facebook的我，也只好跟她靠whts app聯絡，好幾次話係澳門聚一聚都約唔成，所以今次我同自己講：「一定要約到！」 一個短暫的見面已令我好開心啦，多謝你，我要好好被你的輕鬆感染。
多謝summer小姐專程由澳門來飲我餐喜酒（再次證明，晚宴地點遠近同有心定冇心的關係。）多謝你，我真係好開心你同友人ｋ都黎咗。我很喜歡summer小姐，她的爽朗、好心、跟她相處好舒服呀！在她面前我可完全可做回自己。你是值得人愛錫的，你要幸福呀。
「澳門人係咁架啦！就係咁簡單！想做就做！」
晚上，再收到一條whts app：
莫言先生一篇小文，哲理顯淺，但發人心省：
把蘋果弄到四五千元一個的喬布斯可以說是無所不能，但是在病痛面前却是無能為力的！喬氏西去，敬告各位：
1、别總是在壓力下工作，累壞了自己，特傻！
2、別忘了身體是一切，沒有了健康, 無法享用人生所有的樂趣，特虧！
3、别以為能救命的是醫生 , 其實是你自己 , 養生重於救命 , 特對 !
4、別以為付出就有回報，凡事只有不計回報，才能終有好報，特靈！
5、別忽視了與你有緣者，等繁華落盡，你才明白知音難覓，特悔！
順其自然的工作，慢慢享受生活，快樂享受人生每一天！
“再也不要把好東西留到特別的日子才用，你活着的每一天都是特別的日子。”
生活應當是我們珍惜的一種經驗，而不是要捱過去的日子。
如果有甚麼值得高興的事，有甚麼得意的事，與親愛的人分享，讓親愛的人聽到，看到。
其實每天早上我們睜開眼睛時，都要告訴自己這是特別的一天。每一天，每一分鐘都是那麽可貴。
分享此文，珍惜每一天。
- 留言者: 仙蒂小溫太
- Email: meisze1013@yahoo.com.hk
- 網址:
- 日期: 2013-05-05 23:42:13
[版主回覆05/06/2013 00:47:35]謝謝你～～
[仙蒂小溫太回覆05/06/2013 00:27:23]小小鹽加胡椒粉就得喇〜 因為個湯可以落一茶匙，試下味，岩飲就ok
[版主回覆05/06/2013 00:11:25]今次係因為有MACAU朋友帶路～～
平時都唔知有依D地方～～
好想快D整玉子豆付湯同雞扒，但我想問個好白痴的問題～D肉點醃～
我真係好小入廚﹣＿﹣
- 留言者: Li
- Email: iankinbong@yahoo.com
- 網址:
- 日期: 2013-04-10 12:13:03
[版主回覆04/18/2013 22:59:42]正嗎？都唔平WOW ？
[Li回覆04/18/2013 12:28:23]只住過舊PO京~~~~
[版主回覆04/10/2013 12:43:18]上次住sky villa , 係個木桶幾爽的，枝浴油都好正，可能係我「好彩」，其他我有保留了，得個大字。你有冇住過大倉?
沒有留言:
張貼留言