回憶是要自己創造的。: 重新起動／brunch Club

終於收到another fine day的信件了，部分姐妹都收到信了。<自己寫給自己的信，一年內寄出。>

前文提到我去左依間cafe兩次，第一次我是寫比自己，至今半年多些，開心的是自己繼續向目標進發，沒有偏離軌道。

其實，前陣子睇完blogger net net的文章後，我也作出了反省。婚前，雖然我已經唔係百分百投入籌備，但目光好像都變得短淺，只是希望婚禮、遷入新居等事情順利，其他的也放在一邊。

我覺得自己放左一個好長的蜜月假，點解？每年我都會為自己訂定目標和儲蓄計劃，就用去年來舉例吧，我要結婚、我要轉工、我要考車牌、我要考咖啡師、為了職業，我要進修返學、我要去至少兩次旅行等等，全部都做到了！！

我去年底沒有為自己今年訂下什麼目標、計劃，因為由去年轉工開始，我只想身體好，為生仔作準備，其實多個月都沒有M痛就已經完成了一個重要目標了。結咗婚只是短短半年，近日自覺沒有實在完成「一啲野」，好似今年冇做過什麼，有點失落，有點覺得自己在退步！

好記得去年辭職，我敬仰的上司對我說：「你現在說想抖下，我明白。但人好容易行錯路、亂諗，你唔夠兩年就會頂唔順架啦，你係一個好鍾意工作又好奇的人，我唔會睇錯人。」大獲啦，唔係真係講中呀？

點都好，雖然2013年已經過左大半年，但我已決定重新起步了！

第二封信，我就寫左比婆婆，同佢分享我嫁前的心情，所以婆婆上星期打比我：「點解咁古怪，時光倒流既？」而其中兩個姐妹寫比我既信，我就仲未收到，雯雯我好心急想睇你究竟寫咩，一路寫一路喊。

收到信，我先醒起未去another fine day拎套杯，見星期六就同老公出吓街拍拖。

拎完杯之後，就行過天橋去對面 brunch Club食all day breakfast.

記得第一次去，是好朋友心平同我去的，第一次食Eggs benedict，仲有杯凍古古力，都超好味。但估唔到相隔n年，水準退步咗咁多。

Eggs benedict加mushroom，一般般

20130629_172033

我杯latte都是可以的。但，老公杯凍古古力就冇眼睇，是凍古古力水，所有古古力粉沉底，冇味架。加上服務態度一般。好。失。望

近排仍然係空中飛人的生活，第一次一個人去公幹，唔知點解成個星期都唱住康泰《緣途有您》入面隻：你陪我流浪。「我可以一個人一個人去流浪我可以一個人一個人去遊蕩........」

套片我同老公有日係屋企食住外賣睇，唔知點解睇完大家即刻望住對方，水汪汪個隻~~(係咪我地太想去澳洲乍？哈哈。其實，當時一刻，我記返起求婚的一幕。）

你地有冇寫信／寫明信片的習慣？我有！係超級無敵鐘意同堅持！

寫明信：每次都沒有特定的對象，見到明信片想起誰就寫給誰，那時候想念那個老朋友就寫給她，今次又有十幾個人要留意住信箱了。

我好鐘意寫信，寫的開心，收的窩心。

我都好中意收信，睇到好窩心。

夢想真係要自己去追，我成日諗，人地陳方安生，生朋咁多個都可以事業有成，我都要係咁。所以加油呀!!!
[版主回覆07/28/2013 16:54:37]一定要加油～～我地宜家係播種期呢～～
撐呀～～撐你呀～～

水太太都有寫明信片呀﹗收到好開心架~~
[版主回覆07/28/2013 16:54:23]我今次去峴港都有寫～～仲要三日就到HK，估佢唔到。

我都好鍾意寫信..好鍾意收信的感覺!.
[版主回覆07/18/2013 00:07:54]見到你回覆就好啦～
即係證明你冇甘忙啦～～

我黎緊都有個極速之旅，YEAH ！！

回憶是要自己創造的。